A Asociación Sons de Base organiza de xeito anual un importante festival de música no que ofrece aos grupos asociados á entidade a posibilidade de presentar a un amplo público o seu espectáculo co obxectivo de darse a coñecer. A participación é completamente gratuita para os grupos membros de Sons de Base, e o festival é financiado íntegramente pola entidade.
Celébrase indistintamente ao aire libre nun grande espazo aberto na área metropolitana da Coruña e é amplamente publicitado pola organización.
A Asociación Sons de Base contrata para a organización do evento un potente equipo de luz e son co que amosar aos seus grupos as posibilidades de actuar con recursos profesionais, tendo ao seu dispor todos os avances tecnolóxicos.
